CBN News, 21 Oct 2020: National Aeronautics and Space Administration (NASA) nih thlapa (moon) ah 4G cellular network dirh dingin US dollars $14.1 million contract Nokia company sin ah a pek.
NASA nih Nokia company sin ah Contract pek a sinak an thanh i, hihi space exploration caah advance research le development tuahnak ding US dollars $370 million contract tangah pêk mi an si.
NASA Administrator Jim Bridenstine nih a chim ning ah space agency nih ai ruahchanmi, kum 2028 i Lunar base ah astronaut hna rianțuanter timhnak cu tlamtlinh a si khawh nakding ah Technology thar ser zawkzawk a hau tiah a chim i “thlapa vawlei ah caan saupi a nguh ding power system kan herh” tiah a chim.
Nokia research arm, Bell Labs nih contract an hmuh kongkau hi Twitter ah a tar, Company nih wireless operation (wire hri zam lo vawlei in thlapa rianțuan) an i timhnak a chim.
Hihi Nokia nih thlapa ah LTE Network dirh aa timh voi khatnak a silo, kum 2018 ah khan Germany space Company a simi PTScientists le Vodafone UK hna Apollo 17 țumnak hmun ah LTE network dirh dingin timhlamhnak a rak ngei nain an mission an rak ngol tak.
CBN News
