CBN News, 07 Oct 2020 : Noble Prize for Medicine 2020 co tu ding cu thanh a si cang, American scientist pahnih Harvey J Alter le Charles M Rice pin ah British scientist Michael Houghton hna cu Noble Prize for Medicine co tu dingah thim an si.
Scientist pathum hna hi Hepatitic C Virus hmuchuaktu an si ruangah Noble Prize for Medicine or Physiology 2020 co tu ding ah thim an sinak Noble Committee hruaitu Thomas Perlmann nih a chim.
Vawleipi nih hepatitis zawtnak a buaipi cuahmah i, hi Sceintist pathum hna nih hin Hepatitis C Virus cu study (cawnnak) an tuah, hi ruangah thisen test nak zong kalpi khawh a si cang lai i, a damhnak sii zong a rauh hlan ah an serkhawh zumh a si.
Hi thil an hmuhchuak mi ruangah hnitliam le thinphing zawtnak ruangah thihnak tlangpar i a dirmi a khamh khawh cang lai.
World Health Organisation (WHO) nih an langhter ning ah vawleicung ah Hepatitis zawtnak ngeimi minung 70 million (Ting 700) an um i, kum chiar minung 400,000 leng nih Hepatitis an i thih pi. Hi zawtnak hi saupi i zawtpi khawhmi a si, Hepatitis nih hin thin phing a umter i cancer tiang a phanhpi kho.
Noble Prize co tu sin ah hin Gold Medal le phaisa US dollars 1,118,000 ($ Ting 11 le thawng 18) (Swedish Kronor 10 million) pek an si lai. Hi Noble Prize laksawng co tu hi minung pakhat nak i an tam ah cun phaisa a zat in phawt an si tawn.
Noble Prize hi Physics, Chemistry, Literature, Peace le Economics lei in a co tu ding hna zong tu thla October thla chung ah thanh an silai.
CBN news
