Kum fatin vawleicung laksawng minthang bik le conglawmh phu ngaingai a si tawn mi laksawng cu Nobel Prize hi a si. Tukum October 2 thawk in Noble Prize petu phu The Norwegian Nobel Committee nih 2020 vawleicung Noble Laksawng cotu hna an min cu an thanh cuahmah hna.
Tukum 2020 chungah Physics Fimthiamnak lei laksawng a cotu hna cu astrophysicists timi vankawlawng kong he ai pehtlaimi Physics thiamnak minthang hna an si. UK ram in Roger Penrose, German mipi Reinhard Genzel le Ameran mi Andrea Ghez hna nih 2020 Nobel laksawng an co.
An nih pathum hi zeiruangah dah Physics lei in Nobel Laksawng an co ti ah cun, black holes timi kong ah an hlathlainak le an hmuhchuah mi cung ah a si tiah Norwegian Nobel Committee nih an chim. Black Holes timi cu Zungzal timi kalnak kutka a si tiah an chim tawn. Laiholh cun kua nakpi ti a si hnga. Hi Kua Nakpi nih hin thilri, a ngan, a hme le ceunak tiang in a dawp khawh ti a si.
An pathum lakah Dr. Penrose (Oxford University ah kanan saya) hi $1.1 million laksawng an pek. Vawleicung Scientist minthang Albert Einstein nih a rak chuahpi mi general relativity cu Black Holes a um timi fehter tu a si tiah tehte he a chim khawh ca ah laksawng hi pek a si.
A dang hna hi Dr. Genzel le Dr. Ghez an si i, Kumhra leng Black Holes kong ah caan an pek i an hlathlai nak le an hlawhtlinnak ca ah an pek hna. Dr. Ghez hi vawleicung ah Physics in Nu Prize a ngah tu palinak a si.
Source: Nobel
