Sining muisam aa thleng mi COVID hrik cu UK ram lawng siloin nithlanglei Africa zong ah an hmuh cang tiah theih a si. WHO nih hi kong he pehtlai in thawng a thanh cang.
Hi zawtrai hi 501.v2 tiah min an pek i, Africa ram i Kwazulu-Natal Research Innovation and Sequencing Platform (Krisp) timi phu nih an hmuh mi a si.
UK Ah A Chuak Mi COVID Rai Phunthar Cu Zeidah Asi?
Hi zawtnak hrik hi COVID-19 hrik sawhsawh nakin a chawnh a rang deuh mi a si i, mino nal deuh sin ah chawnhbarh a rang tiah South Africa ram ngandamnak Vuanci nih a chim.
South Africa ram ahhin COVID rai ai chawnhbarh i a thi mi minung 24000 an phan cang i, a tulio ah zawtnak chawnhbarh ning a let hnih a rang tiah theih a si.
Hi zawtrai hrikthar 501.v2 hi UK ram ah an hmuh COVID hrik thar he pehtlaihnak cu an ngei lo tiah South Africa um BBC thawngla tu Pumza Filhani nih a chim ve.
Asinain, Zawtnak hrik sining ai thleng mi pawl i chawnhbarh tikah COVID-19 zawtnak taktak nakin zawtning fah deuh dawh cu a si lo tiah Oxford University in siilei thiamsang Trudy Lang nih a chim.
Atulio vawleicung ah COVID rai hrikthar an hmuhnak a hun karh ziahmah. UK ram zong hrikthr ruang ah chawnhbarh a tam i, mizaw an karh cuahmah. Hibantuk hrikthar a chuah tikah COVID khamsii an chunh cuahmah mi kong ah COVID khamsii chuah tu hna cu lungrethei in a chiah hna.
Source: BBC