Victoria ramkulh chung ah COVID-19 mizaw 12 an karh pin ah minung pakhat a thi mi ai chap than. COVID-19 zawtnak ruangah Victoria ramkulh mithi 811 an si cang. Atu kar hrawng ah COVID-19 zawtnak a dai deuh nain, khoika in i chawnhbarhnak hngalh a si lomi mizaw thar hna ruang ah mizaw an hun karh than hi a si.
Premier of Victoria Mr Andrews nih cun atu bantukin zawtnak a karh lengmang lio ah Melbourne hi kan hun colh ahcun, lockdown chiah than kan hau than lai. Melbourne kan hun than nak ding ca ah a tulio mizaw thar an karh ning milu hi a tam deuh ko tiah thawngfianhnak ah a chim.
Victoria ramkulh hi mizaw an zor lei ah lockdown stage a dihlak in hun ding ah a hal tu mipi an tam ngaingai nain, nawlngeitu hna le thiamsang hna nih fak piin ralrin an pek hna. A ruang cu Melbourne le Victoria hi milu tamnak a si ruangah voikhat chawnh ah milu tamtuk ai chawnh kho ding dirhmun a si ruang ah a si tiah theih a si.
Atulio Victoria ramkulh chung ah mizaw 23 cu siizung ah thlop an si lio. A dang minung 30 hna hi tar zohkhenhnak ummi an si hna. A hnubik ah a thi mi case hi kum 70 upa a si cang tiah ABC news nih a chim.
Source: ABC News
