Atulio UK ram ah COVID-19 zawtrai phunthar pakhat a chuak i, cu zawtrai cu kham manh loin fak piin ramchung ah i chawnhbarhnak a chuak tiah theih a si. Cu ruang ah UK ram khualtlawnnak zong ramkip nih an phih cuahmah cang.
UK ram ngandamnak Vuanci a tuan cuahmah mi Matt Hancock zong nih control khawh kan zuam ko nain kan ti manh bak lo tiah a chim.
Cu ruang ah UK ram ah COVID khamsii an chunh cang mi kong ah biahalnak le thinphan tampi a chuahter lawng siloin, fak deuh in lockdown tuah nak khua an khang cang tiah theih a si.
UK ram ah Christmas hmang loin inn cio ah um hna u tiah ram mi cu thawng an thanh cang hna. UK ngandamnak vuanci nih tutan an thilton cu thihnak tluk fak (deadly serious) a si tiah a chim.
A tubantuk COVID phunthar hi a luancia September thla zong ahkhan an rak hmuh bal cang. Hi zawtrai phun thar hi chawnh a fawizang ngaingai mi a si tiah theih a si.
Source: Independent
