Naypyidaw khuapi chung ah labour immigration and population zung Director nupi that in thil a rak chut tu pa cu nizaan (October 14) ahkhan a thilri he kan tlaih cang tiah MPF (Myanmar Police Force) bawi pakhat nih a chim.
“Thapaygone bazaar timi ah hlat le tlaih a si. Sui tthi ai put mi cu suidawr ah zuar dingin a kal lio ah an va tlaih hi a si” tiah a chimchap.
A luancia September 9 zaanlei sang ahkhan Pobathiri peng, Nyang Pyinn khuate ah minu pakhat lawng a um lio ah thilchuh le thah a rak tong. Thah a tong mi nu cu labour immigration and population zung Director nupi a rak si. Cu ka hmun cu mi an i varh ngainak hmun a si tiah an chim.
Mipa nih thil a lakmi hi meidal kuang (mii-khan-tettta) chungin kutdong hrol lungvar khimh, lungdum khimh kuthrolh kual 6, kiap hnih tlai suitthi le phone hna an si tiha theih a si. Hi mipi nih hin thilchuh ruah ah nam in a sah i, thil a rok hna ning hi a si tiah Palik nih an chim.
Tlaih a tongmi mithat hi Naypyidaw Dakhina peng, Htantapin khuami Kyi Sein (kum 46) a si tiah theih a si. A mah cu Dakhina peng biacaih zung ah sualtuah biacaih phungpi 302/309 in case an hun piak tiah theih a si.
