NASAMS air defense nih Russia valawng ral khamhnak caah a voi khatnak bik hmai a tonh lai
U.S-Washington nih Norwegian anti-aircraft missile system NASAMS cawk a timh mi a thanh.Hi a cawk mi hi Ukraine ram bawmhnak ah pek a timh. Ukraine hi NASAMS hmangin Russia vanlawng ral a voi khatnak bik hmai a tonh tu a si lai.
Cu news cu July 29 ah the U.S Department of Defense nih a tuah mi thawngthanhnak ah an chim. The U.S DoD nih cawknak lei he pehtlai in a herh mi zong thok a si cang tiah a chim. Ukraine nih U.S lei in NASAMS batteries 2 pek a kan timh tiah a chim.Sihmanhsehlaw NASAMS hi zei tik dah an cawk lai i zei tik ah kan ngah kawh lai ti mi bia fiangfai in theih a si rih lo.
June thla donghnak ah khan BulgarianMilitary.com nih U.S nih cun NASAMS cu Ukraine sin ah bawmhnak pek a tim tiah a rak tial.Cu hnu lawng ah cun Washington i a um mi rian ngeitu pawl nih White House’s nih a timh mi cu a voi khatnak bik an theih ter.July a hram thok ah U.S Department of Defense nih cu news cu bia a fianh.NASAMS hi Kyiv nih ral hram thok tein a duh herh mi a rak si.
NASAMS hi Norway ram chuak air defense system a si.NASAMS hi medium a hlat neih a phan kho mi a si.A nih hi drone ral, helicopters, fighter Jets ral pawl i khamhnak ah hman mi a si.Tu lio ah hin ram 9 ah NASAMS anti-aircraft missile system hi an hman lio i ram 5 nih ngah khawh ding in an hngah lio a si.NASAMS hi vehicles pawl ah hman pek kawh a si caah lam harsa zong ah kal pi fawi a si.
Tu tiang hi, Kyiv ah zei version dah an pek lai ti hi a faing rih lo.NASAMS nih hin version 3 a ngeih.Ral lei a thei hngal mi nih cun Ukraine nih NASAMS vesion 2 hi an ral thilri he a tlak bik mi a si an ti.Kyiv nih hin an mah lei ral vanlawng caah himnak a tlawmter deuh ko le nain Russia ral lei in a ra mi bomb pawl hi tha tein a hrawh kawh dih hna lai.Natein a cheu nih cun Ukraine nih NASAMS version 1 a herh deuh an ti.Ziah ti cun i khamh nak ah cun hi version hi a tha deuh an ti.
NASAMS hi anti-aircraft caah cun a tha ngai mi a si nain Russia ralkap pawl nih i tinh in hrawh khawh an si lai.Cu caah NASAMS version 2 cu an hruh khawh sual cun Moscow nih nitlak lei ram technology hi an ngah sual lai ti an phang.
Cu lawng si lo in a dang harnak a um ding mi cu NASAMS hi chanthar missile pawl ca long a fiang tein a doh kawh.Hi NASAMS hi Russia kut ah a phak sual cun hi technology thar hi Russia nih an ser khawh ve lai.(Crd.BulgarianMilitary.com)
