Naga Hmunhma Chung Ah Ralhrang Nih Mipi Hlennak Ca An Phawt, Naga Hriamtlai Nih Ralrin Pek Colh
Sagaing ramtthen, Naga miphun umnak hmunhma hna ah NUG/ CRPH le PDF pawl cung i ruahnak chia ngeih ding ah tinh in ttial mi catlap ralhrang nih an phawtzamh caah Naga People Defense Force( NPDF ) nih Febuary 9 ah ralrinnak ca a chuah colh.
”Laysi, Lahelo khuapi hna ah ca an phawt pin ah pehtlaihnak a harnak khuate lei hi hmaithlak le papek deuh in an sel i an phawt nain mipi nih an chim mi pawl cu an zum hlei hnalo ”tiah NPDF in Bo Lyn Zung nih a chim.
Mizapi telnak ruang ah hlawhtlinnak tampi a hmu cang mi Khuapau fothlennak an ttih tuk cang caah, Thawngpang le pehtlaihnak a dernak khuate hna cu i sel in SAC khinhmi Bawi pawl nih khuate khuabawi le cazi hna an fial hna i hiti ca an phawt zamh hi a si ” tiah an cachuah mi ah an langh ter.
Myanmar ram hmun tampi ah ralhrang ca phawtmi an rel duhlo caah vanlawng le Helicopter in bomb a thlaknak le Min Aung Hlaing i pa simi paoh ralkap ttuan ding timi hi ral a sungh cang mi le a thinphan thlalaunak a langhter tu si tiah an cathanh ahcun an ttial chih.
Hi ralhrang cattialmi kong ah ttuanvo ngeitu upa hna nih an tuah sermi hi ttuanvo an lak lai i khuate khuabawi le cazi hna nih an cunglei nawl pek mi zulh le tuah tilo ding ah ralring a pek chih.
Mzapi nihcun ralhrang ca a phawtu minung, an rank, an department le an pumpak sining dihlak an khawmhsuat i Hmanthlak he video he Naga People Defense Force (NPDF) facebook page i messenger ah an kuat.
Hi ca a phawtu pawl hi ttha tein kan chekhlat hna la i a herhning in dantat nak kan tuah hna lai tiah NPDF ttuanvo ngeitu pakhat nih a chim.
Ref: Mizzima
Photo: NPDF
