Tuluk nih a ralaimi kumhrabu pakhat chungah hin cun Taiwan hi a ram le a vawlei chuh ding ah ai tim cang timi ruangah US nih Taiwan cu biatak ngai in ralkap lei thazaang tthawnnak santer ding a forh cang.
“Aralai mi kumhrabu pakhat chung ahhin Tuluk nih Taiwan hi a ram le a vawlei luhhnawh in chuhnak ding ah thazaang a ngei telai” tiah US ram White House chimrelnak nawlngeitu pakhat nih a a chim. cu ca ah ralkap thazaang hi biatak tein tthawnter a hau cang tiah forhfialnak a tuah.
Taiwan ram hi Tuluk Commuist cozah mit ah tapung ram tiah an hmuh mi a si. White House ah Security adviser a si mi Robert O’Brien nih hi bia hi Aspen Institute event pakhat ah fiang ko in a chim mi a si.
Taiwan nih a tubantuk in hriamnam tthawnnak a santer lo ahcun Tuluk nih grey zone operation timi (hriamnam hmang in mi hipnak) le chawleh phihkharnak in Taiwan tikulh hi a hrocer khawh mi a si tiah a chimchap.
Tuluk ram nih hin Taiwan vankawlawng cung le ticung ahhin ngiathlaitu vanlawng le tilawng tete an thlah pah lengmang cang ti a si. Cu leng ah Taiwan hrocer nak ca ah Taiwan ram lei hoi in Tuluk nih an missile pipi cu ready in an chiah cang hna ti a si.
Asinain, Robert O’Brien nih a tulio ah Tuluk nih Taiwan a tuk ahcun zeihme ai tthathnem lai tiah a chim. Tuluk nih Taiwan a tuk ahcun US nih a bawm lai maw timi kong tu ah cun Robert O’Brien nih a fiang lo tiah a leh hna.
