Myiang Peng Bahan Palik Sakhaan Pawng Um Inn Pawl le Bahan Khua Pawl Ah SAC Ralkap Nih An Kangh.
==========================================
November 21,2022
Magwe ramkulh,Myiang Peng ,Bahan palik sakhaan pawng um inn pawl le Bahan khua pawl ah SAC Ralkap nih tuni zinglei thok in mei an duah tiah PDF thawngthanh nak le mipi pawl nih Yangon Khit Thit Media ah an chim.
November 18 thok in thazaang 100 hrawng a tel mi SAC ralkap rallam cu November 20 zanlei ah Bahan palik sakhaan cu an phan.Cun zinglei sml 9 thok in Bahan palik sakhaan pawng um inn pawl le Bahan khua pawl cu mei an duah tiah theih asi.
“SAC Ralkap pawl nih Myaing Peng Bahan Palik sakhaan cu mei an duah.Sakhaan cu an chuak tak maw kan theih lo.Power Lakphak dawr le CB Bank pawng Shwe Than Pin Dawr pawng cu mei a tam” tiah Pakukku peng Battalion 7 Tatkhuai 2 in nawlngeitu Khun Sah nih Yangon Khit Thit Media ah a chim.
SAC Ralkap pawl nih Kahdohnak um lo in Bahan peng le palik sakhaan cu mei an duah.Rallam cu an sial ko nan kahdohnak cu a chuak rih lo.Mipi pawl zong SAC ralkap pawl an rak lut caah an zaam tiah theih a si.(Crd.Khit Thit Media)
