Karen ramkulh Myawady peng ah UDP party chungtel minung 30,000 leng cu USDP party ah an i fonh tiah theih a si.
A hlan UDP party in Pyine Hluttaw (1) in aa cuh dingmi U Soe Ya nih USDP ah an i fonhnak kong cu thawng a thanh. Myawady peng ahhin UDP chungtel minung 30,000 hrawng an i tel ti a si. Party hrawh an ton ruang ah USDP party ah an i fonh hi a si tiah theih a si.
“Kan party an hrawh i ram a huai kho taktak tu party hi USDP party lawng an si timi kan hmuh ruang ah kan i fonhnak a si. Hninsi party chungtel chungin minung 20 hlei lo party dang ah an kal lailo” tiah U Soe Ya nih a chim.
Myawady khuapi ah UDP party chungtel hna cu USDP angki i aih in le an thantar i thlir in October 20 ahkhan khuachung ah an vak cang tiah theih a si.
Aralai mi November 8 thimnak ahhin Karen ramkulh chung ah KNDP, NLD, USDP, PPP, NDF le Independent pawl hna hi ai cuh ding biapi an si hna tiah theih a si.
