CBN News, 01 Oct 2020 : Covid-19 pulhrai ruangah ramri kharmi Thailand le Myanmar chawlehnak kutka Tachileik (Shan state) le Mae Sai (Thailand) border trade cu zalawngte in on a si cang tiah Myanmar Tachileik Border trade chairman U Sai Sai nih nizan 30 Sep 2020 ah khan a chim.
Myanmar – Thailand ramri chawlehthalnak (border trade) hi Covid-19 pulhrai ruangah Thailand cozah nih September 17 ah khan a rak khar i Truck 4 lawng luhchuah khawhnak nawl an rak pek.
Thailand Border trade lei tuanvo ngeitu hna nih an chimning ah Myanmar-Thailand ramri kan khar September 17 in 29 karlak ah Thailand Border trade nih Thailand Phaisa Billion 1 hrawng a sung, Myanmar ram in thil a luh lo ah cun transport lei siseh chawlettu siseh an sungh tuk ruangah ram pahnih hnatlaknak in 30 September 2020 ah ramri on than a si tiah an chim.
Thailand-Myanmar ramri hi tikcaan set khiak lo i on a si i thilri a hme alian in Border hlei No.2 ah thilphur motor hme motor ngan thleidannak um lo in luhchuahpi khawh a si cang.
CBN News
