CBN News, 15 Oct 2020: Myanmar le India ramri, Manipur kainak International border vengtu India ralkap ‘Assam Rifles’ hna nih ramri, Manipur sector ah rithaisi India phaisa Rs.65 million renglo man an tlaih.
India ralkap ‘Assam Rifles’ hna nih an tlaihmi rithaisi hi ‘Maphetamine‘ (WP) tablet a si. Rithaisi ngeitu ah puhmi Vaiphei pa kum 24 mi zong tlaih a si i Moreh palik station ah ap colh a si.
Assam Rifles hna chim ning ah Myanmar – India ramri i an i chawhvah lio ah ruksai ai paimi pa an hmuh i an lung a hrin ruangan an tlaih i a ruksai chungah rithaisi hi hmuh a si tiah an chim.
Hi rithaisi hi Myanmar in luhpimi a si tiah an chim chap.
CBN News
