Mizoram,Lawngtlai ah Rakhine ram in nifatin herhhai mi thilri hna cu laak a si tawn i cutin Rakhine ram lei in Lawngtlai district chungah thil laak mi a tam tuk caah Lawngtlai mizapi caah thil man kai le Phaisa thlen rate kai tibantuk harsat nak an ton tawn tiah theih a si.
Hi kong he pehtlai in Central Young Lai Association –CYLA Tulio hi, Lawngtlai pengkomh le hmunkip in Myanmar ramchung Rakhine State ah thilri luhpi a si tawn. Asinain naihrawng ah Rakhine State ah ralhraang nih bomb an thlak tawn ruang ah le bomb an thlaknak hi Ta Rown Aing Village India ram he aa naihnak hmun a si caah hika hmun hrawnghrang hi a him hrim lo.
Cucaah Lawngtlai District in Myanmar ramchung Rakhine ramkulh ah thilri phor motor luh hi thiltha lo a chuah khawh caah Central YLA nih tha te’n khua a ruah hnuah 2024, May 24 zaan suimilaam 12 tiang lawng thilri phor motor kal caan a onh. Hi hnu cun Lawngtlai District in zei bantuk thilphor motor hmanh kal a rem ti lai lo. Hi buainak le harsatnak fakpi chuak kho mi lak ah kan nunhimnak ca a si ti mizapi nih hngal cio usih.
Hi nicaan khiah hnu i a kalmi hna nih harnak an ton ah cun Central YLA nih cun a hngalpi lai lo. An cungah zei bantuk harnak hmanh phan sehlaw anmah duhthimnak a si cang lai, tiah Central YLA nih cathanh an chuah.
