Myanmar ram buaibainak ruang ah India ram a rak phan mi Myanmar ralzam mi hna cu an ram a daih hlan lo kan khirh than hna lai lo tiah India Union Home Minister Amit Shah nih a chim.
Mizoram Chief Minister Pu Lalduhoma le Pu Amit Shan cu January 4 ah New Delhi ah an i ton nak ah a tu bantuk in a chim hi a si.
“Myanmar ram athat hlan chung cu Myanmar ralzam hna an ram ah kan khirh hna lailo ti hi Mizoram mizapi nih kan theih piak hna she law ka duh” tiah a chim.
India ram chung ah hin Myanmar in ral a zam mi minung 60,000 leng an um i cu chung ah minung 50,000 cu Mizoram ah aa dor mi hna an si.
