CBN News (Apr 14) : Myanmar ramchung buainak ruangah Myanmar New Year (Kum thar) lawmhnak cu khensel a si i Myanmar ramchung hmun kip ah silent protest kalpinak pehzulh peng a si.
Myanmar Kum thar lawmhnak, Thingyan hi ni 5 chung tuah a si tawn i Nizan cawn nihnih ni thawk in zarhteni tiang New Year Holiday tuah ding a si, hi caan chung ah hin thlacamnak he Buddha temple hna cu thianh in khua chung ah tii theh tawn a si.
Kan hnung kum 2020 ah khan Covid-19 ruangah Myanmar New Year Holiday tuah cu khensel a rak si cang i tu kum 2021 zong Ralkap dohnak ni ah hman a si.
Assistance Association for Political Prisoners (AAPP) bu nih an langhter ning ah Myanmar ralkap nih hramhram in cozah uknak an lak, February ni 1 in a tu tiangah ralkap duhlonak langhter tu Civil mi minung 710 ralkap kut in an nunnak a liam cang tiah an langhter.
CBN News
