CBN News, 30 Jan 2021 : Myanmar ralzam, Indonesia lei ah a lutmi minung zeimaw zat cu Indonesia chaklei tipi kam, Lhokseumawe refugee camp ah chiah an si i cu hna lak ah minung tam uu cu thawngpang theih loin an tlau tiah theih a si.
Kan hnung kum 2020 June thla le September thla karlak ah khan Myanmar ralzam minung 400 cu Lhokseumawe refugee camp ah chiah an si i UN official nih tuzarh camp an tlawnnak i Myanmar ralzam minung an chek nak ah minung 112 lawng an rak um cang, minung 288 cu an konglam theih loin an tlau.
United Nation (UN) official hna le khuachung mi hna zong nih a baumi ralzam hna hi an um kalnak an thei kho rih lo.
Khuachung official cheukhat nih an chimning ah refugee camp in ralzam minung 228 a baumi hna hi Malaysia lei ah chawlehnak ah zuar an silai tiah an zumhnak an chim.
CBN News
