Myanmar, Laos le Combodia In Rianttuantu Minung Sing 4 Thailand Nih Auh Lai
Thailand ram inpa simi hna Myanmar, Laos le Combodia ram pawl in rianttuantu minung sing 4 tluk phunglut in kan auh hna lai tiah Thailand Cozah in biachimnak nawlngeitu pakhat nih a chim.
Hiti auh kan timhnak a ruang bik cu phunglut loin ramri lonh in Thailand ramchung ah a lutmi an tlawm deuhnak ding le Covid rai kan i runven khawhnak deuh ding caah asi tiah a chim chih.
Hi rianttuantu laknak ding kong ah Myanmar, Laos le Combodia in sakttuannak vuanci pawl he zong tonnak kan ngei cang tiah Thailand sakttuannak vuanci Suchart Chomklin nih a chim .
Hiti kan tuahnak thawng in kan ram innpa rianttuantu hna caah tthathnemnak le rian ngeitu le Thailand ram caah tampi a ttha hnem lai tiah kan i ruahchan tiah a chim chih.
# VOM
