Kawl Ramkomh chung ah COVID-19 mizaw minung 743 an i chap i minung 27 an thi chap tiah ngandamnak zung nih a thanh.
Myanmar ramkomh ngandamnak zung nih December 25 zaan suimilam 8:00 pm in December 26 zaan suimilam 8:00 pm tiang suimilam 24 chung thawngthanhnak a tuah mi ah mizaw 743 an i chap i, minung 27 an thi chap tiah thanhnak a tuah.
Mithi ai chap minung 27 chung ah hin 22 cu zawtnak hluna rak ngei cia mi an si tiah theih a si.
December 25-26 chung ah siizung ttumnak nawl an pek mi hna hi minung 1223 an si i, cozah siizung pi in minung 761 le Yangon COVID thlopnak hmun pawl hin minung 462 hna an si tiah theih a si.
A tulio Myanmar ramkomh chung ah COVID-19 mizaw dihlak minung 121,280 an si cang i, minung 2579 an thi cang. Hi chung ah minung 102,163 hna cu siizung in an ttum cang tiah theih a si.
Atulio vawleicung ah COVID-19 mizaw dihlak nuai 80 lengkai an si i, 1.7 million an thi cang. Hi chung ah minung 56.5% cu an dam tiah theih asi.
Source :DVB
