Myanmar ramkomh ah COVID khamsii ngah khawhnak ding ca ah a herh mi phaisa $1 billion hrawng ngah khawh ding cu ai zuam cuahmah tiah theih a si.
US phaisa nuai 950 ngah nak ding le WHO timhlamhnak bantukin Myanmar nih COVID khamsii ngah khawhnak ding ca ah phaisa kan i tim cuah ko tiah MOPFI lei in U Htun Htun Naing nih a chim.
COVID khamsii ngah khawhnak ding ca ah Myanmar nih Word Bank ah phaisa nuai $60, JICA in yen 935.09 billion, ADB in nuai $250 le IMF in nuai $350 cawi ding ah ai tim tiah theih a si.
Myanmar ramkomh chungah COVID-19 khamsii hi dur khat ah $2 tiang hrawng in ngah dawh a si i, voihnih chunh a si lai ca ah minung pakhat ah $4 tiang hauh te dawh a si tiah a chimchap.
Myanmar ramkomh chung milu nuai 54.4 lakah in milu zatuak 20% cu April thla ah cun chunh thawk khawh ding ah kan ruah damh tiah Ngandamnak lei zung in Dr. Myint Htwe nih a chim.
Ngandamnak zung le MOPFI nih hin 2019-20 Myanmar ramkomh ram pumpi budget chung in zatuak 10% cu COVID-19 dohnak ca ah hman ding in tukum ahkhan Hluttaw ah an rak caihkhan cang mi a si.
Myanmar ramkomh ah COVID khamsii ngah khawhnak ding ca ah Daw Aung San suu Kyi zong nih mizeihmanh lanhtak loin chunh khawh ding in kan zuam lai tiah December thla thawk ka ahkhan a chim.
Source: Irrawady
