Myanmar ramkomh chungah COVID-19 zawtnak mi mithi an karh cuahmah. Nihin October 9 zingka ah Ngandamnak lei zung nih a thanh mi chungah minung 25 an thi chap i, mithi dihlak 535 an si cang ti a si.
Ramchung ah suimilam 24 chungah zawtnak chekmi minung 12,268 a si i, mizaw thar 10,12 an si. Nizaan October 8 zaan suimilam 8:00 PM tiang ah mizaw dihlak 22,445 an si cang tiah theih a si.
“Nihin hi zawtnak hmuh ning 8.2% zatuak lawng a si. A hung ttum cuahmah ko lai. Thachia lo tein kan i zuam cuahmah ko” tiah Ngandamnak zung in chimrelnak nawlngeitu Dr. Khin Khin Kyi nih a chim.
Zahan zaan suimilam 8:00 PM tiang ah siizung in a ttum cang mi minung 6,366 an si cang. A tulio ramchung ah COVID-19 zawtnak cheknak ah rianriang tein chek khawhnak an hman hnu in mizaw chek mi an tam kho deuh i, mizaw zong nikhat ah 1000 leng an hmuh lengmang nak hi a si.
Source: 7day Dailay News
