Myanmar ramkomh chungah COVID rai chawnhbarhnak zatuak a zor cuahmah cang tiah theih a si. Second wave a rak i thawk kha July thla ahkhan zatuak 15% tiang a kai nain a tu ah 4.5% tiang a zor cang tiah theih a si.
Rampi ngandamnak lei zung nih nizaan December 18 zaan COVID thawng an thanhnak ah minung 24,000 an chek hna i, minung 1000 fai nih zawtnak an i chawnhbarh. Cucu zatuak 4.5% a si i, COVID a hrah hnihnak ai thawkka nakin a zor lei a panh bik a si tiah theih a si.
A tulio Myanmar ramkomh chungah COVID a karh biknak hi Mandalay ramthen ah a si i, Sagaing ramthen Kalaymyo zong Lockdown an chiah rih tiah theih a si.
Atulio Myanmar ramkomh chung ah COVID in a zaw mi minung singkhar leng kai an si i, minung 23,398 an thi cang. Minung 92,000 nih an dam i siizung in an tum cang tiah ngandamnak zung MoHS nih a thanh.
Source: MoHS
