Mirang ram Oxford University scientists hna nih an chuah mi COVID-19 khamsii AstraZeneca cu India ram zong nih hman ding ah a fehter cang.
Hi sii hi India ram ah chuah ding in hnatlaknak an ngeih cang mi a si i, Myanmar ramkomh zong nih cawk ding in ai timh mi a si tiah theih a si. India ramdang vuanci nih kan hnu ninga ni ahkhan kan fehter cang tiah thawngzamh in a chim tiah Reuters thawngzamh nih a chim.
A luancia December thla chung ahkhan Daw Aung San Suu Kyi nih India ram sin in COVID khamsii nuai 15 cawk ding kan i tim tiah a rak chim cang.
AstraZeneca khamsii hi UK ram ah cun December 31 ahkhan cozah nih a cohlan cang mi a si. Hi sii hi tikhal kuang sawhsawh ah chiah in umkal pi khawh mi a si ca ah fawi tein kuatchanh khawh a si lai tiah zumh a si.
Khamsii kong he relchap: COVID Khamsii Ciocio Zeidah An I Dannak?
Source: BBC
