Myanmar ramkomh ah COVID-19 a hrah hnihnak (second wave) nih a phak hnu ah mizaw thar an karh a tlawmbik caan cu January 20 ah a hung phan ve cang.
Rampi ngandamnak zung MoHS nih a thanh ning bantukin Myanmar ramkomh chung ah COVID-19 mizaw thar minung 446 an si i, mithi zong 13 tiang an zor cang. Zatuak in 2.2% tiang a zor cang tiah chim khawh a si.
COVID-19 a hrahhnihnak a phanh hnu ah Yangon ramthen cu COVID-19 mizaw a rak tambiknak a si i, January 20 ah cun Mandalay khuapi nakin COVID-19 mizaw thar an tlawm deuh cang.
Yangon khuapi cu Mandalay nakin COVID mizaw thar an tlawm deuhnak nithum tiang aphan cang. Myanmar ramkomh chungah COVID-19 mizaw hmuh tir in nihin tiang, thlaruk chung ah mizaw 135,000 reng lo an phan cang. Mithi 2986 an phan.
Chin ramkulh Hakha khualipi zong ah COVID mizaw pakhat hmanh an um ti lo tiah theih a si.
- CBN nih kan facebook page ah Myanmar ramkomh COVID-19 updates cu nifatin kan langhter.
