Monywe Economic University Pawng Ah SAC Ralkap An Doh Hna ,Ralkap 3 An Thi,YeSakyo Ah SAC Ralkap An Doh Hna Ii 6 An Thi.
============================================
Sagaing Ramkulh Monywe Peng Economic University pawng ah a thupmi SAC Ralkap phu cu Black Dragon Special Task Force nih Nizan September 13 zan 10 ah an doh hna ii Ralkap 3 an thi tiah theih a si.
SAC pawl cu Black Dragon Special Task Force Le God of Monywa People Defense Force phu fonh in an doh hna ii SAC ralkap a bawmtu pawl an rak phan caah hriamnam pawl kan laa kho lo tiah Black Dragon nih an thanh.
Cun Magwe Ramkulh,Yesakyo peng Nguanpin khua in Warpu khua lei ah rallam a sial mi SAC Ralkap Thangzaang 50 hrawng cu tlang cung hriam tlai phu pawl nih Nizan ah bom in an doh hna ii Ralkap 6 Fak ngai in hliam an tuar tiah MG6 Nih an thanh.
SAC Ralkap phu cu MG6,YSO NO1 le YLK NEW POWER PDF nih bom in an doh hna ii PDF pakhat kuan nih a ken tiah theih asi.
“6 hliam an tuar tiah kan theih.Hliam atuar mi pawl cu Seh tilawng in Yesakyo le ah an kal pi tiah kan theih.An thi le thi lo cu Fiang in kan theih rih lo tiah ” MG6 nih Yangon Khit Thit ah an chim.
