Monywa Khua Chung Ah Palik Pawl An Kah Hna, 3 An Thi.
==========================
December 26, 2022
Sagaing Ramkulh, Monywa khua chung ah kunyaa a rak caw mi palik cu an kah hna ii sakhaan bawi tel in pathum an thi tiah Monywa peng Battalion (7) Lightning People Defence Force nih an thanh.
Monywa khua No (2) palik sakhaan in palik pawl a tel mi motor cu Nandawin sang ah tuni December (26) zinglei sml 7 hrawng ah motor cu a dir ii kunyaa an cawk lio ah PDF nih an kah hna tiah an thanh.
“Thil sining cu a rang. A Thli tein an doh hna. PDF pawl cu hnu an kir colh. SAC ralkap pawl a pawng ah an au “tiah tual chung mi pakhat nih a chim.
Cu kahdohnak hen pehtlaih in Monywa Lightning PDF nih an thanh ii a thi mi cu feh ter khawh a si rih lo.
Cu kahdohnak a tuah mi Monywa Lightning PDF phu nih SAC Ralkap minung 7 a tel mi motor cu kunyaa dawr hmai ah an kah hi a si ii Monywa No (2) palik sakhaan bawi tel in SAC ralkap 3 an thi 2 hliam an tuar tiah a chim.
Kahdohnak lio ah SAC Ralkap lei a bawmtu an raa caah hriamnam pawl kan laa kho lo tiah an langhter.
Cu kahdohnak ah cun tlang cung hriam tlai ralkap pakhat a hngawng ah kuan nih a ken ii thin phan ding cu um lo tiah an langhter chih.
SAC Ralkap pawl cu Monywa peng battalion (7) lightning People Defense Force le Black Falcon i fonh in an doh mi hna a si tiah an langhter.( Crd. Dalta News Angeny)
