Sagaing ramthen Monywa khua ah ralkap senthum pakhat cu nihin February 18 mipi nih ralkap duhlo langhternak ah CDM ah a rak i telnak a langhter. Ralkap senthum cazi Than Lwin hi zing suimilam 9:00 AM hrawng ah a rak i tel a si i, mipi he suimilam pakhat chung hrawng duhlonak a langhter tiah theih a si.
“Keimah ruang ah mipi harnak ton ka duh lo tiah a kan chimh. Ralkap thuam he CDM ah a rak i tel. Cu hnu ah a angki ai thleng i, ai zukphiak. Ai zuhphiah hnu in mipi thuam in ai thuam mi palik nih a kong an rak hlathlai tiah” Monywa khua mi Ko Than Kyaw nih BBC ah a chim.
Sergeant cazi Ko Than Lwin nih mipi sin ai tel lio ah a chim mi cu, “mipi ralkap nih mipi sin ah um ding a si. Uknak chut in phunglut lo ralkap phu cu a ho nih dah rianh kan duh, Tatmadaw ralkap hna nih tha tein nan ruah a herh” ti a si.
A tulio Monywa khua ah mipi nih ralkal council duhlonak an langhter mi cu minung an chah ngaingai. Palik zong an chah ngaingai ko nain a tutiang i hmaitonh nak taktak a um rih lo tiah theih a si.