Mon ramkulh,Ye Peng Yehleidonh cung ralhraang hna chekhlai nak hmun cu tualchung hriamtlai phu hna nih nihin October 20 zinglei slm 6:00 tluk ah luh hnawh in an va kah hna. Cu kahdoh nak cu minute 30 tluk a rau i PDF phufonh hna cu hnu ah an kir than.Cu tin hnu an kir nak ah SAC ralbawi 2 nih hruaimi ralkap LIB 106 in thazaang 30 tluk he Wonpawng khua le Gyungla khua kar ah fak ngai in kahdoh nak a chuak than.
Cukahdoh nak ah ralhraang lei in ralbawi pahnih telh in ralhraang 15 nak tlawmlo an thi i meithal zun 12 le a dang raltuknak hriamnam tampi kan laak khawh tiah PDF phufonh hna nih Khit Thit Media ah an chim.
Cu kahdoh nak chung ah MA 10/RPG (1),MA3 meithal zun (2) , MA1 meithal zun (4), MA4 meithal zun (1),MA2 zun (2) ,Pistol zun (2), 60mm (1),40mm bomb thei lung (24) ,RPG kuan lung (5) ,Inaka bombthei lung (19), kutcheh bomb lung (4) le meithal kuan 1367 telh in a dang dang raltuk nak hriamhrei tampi an laak khawh tiah theih a si.
Hi kahdohnak cu Dawna sitcaung,Ye guerrilla force,MSRF le ABSDF battalion 1 hna ttangti in tuah mi kahdoh nak a si.
