Moemoh Ah Ralhrang Nih Mizapi 2 An Thah Hna
Kachin ramkulh, Moemoh khua hram bunhmi ralhrang Battalion (437) nih February 18 zaan slm 9:30 ah an camp hmai in a kalmi mizapi 2 hna cu an kah thah hna tiah khuami pakhat nih a chim.
An camp hmai i an kal lio ah ralhrang nih an kham hna i dir duh loin an saikel an mawngh chih caah an kah hna hi asi tiah khuami pakhat nihcun a chim chap.
A hlan ahcun an camp hmai a kalmi dirter le chek zong a um ballo, ralhrang nih an kahthahmi hna pahnih hi U Lah Pa (kum 35) le U Boh Li (kum 41) an si i nikhat ttuan nikhat eimi a harsa ngaimi an si.
