CBN News : Myanmar ram buainak ruang ah Myanmar ramchung ah um ngam lo in Mizoram ah ralzam dirhmun in a lutmi hna cu Champhai District Magistrate nih a tanglei bantuk in cohlan ningding theihternak a chuah.
Myanmar in Mizoram ah ralzam dirhmun in a lutmi hna cu :
1. Myanmar in mizoram ah a zammi hna cu an sining fiang tein cazin lak i proforma suai cangmi hman ding.
2. Ramkhel le bu lei pakhat khat cawlcanghnak ah itel ruang i thinphang in a ummi lawng ralzam ah cohlan i run vennak pek ding.
3. Myanmar mi ralzam hna cu tha te in register tuahpiak i Mizoram Identity card (hmatpung tin) zong pek an si lai.
4. Ralzam hna cu an mah nawl in ramdang kaa dang ah khualtlawn/chawhvah terlo ding.
5. Dam lo zawfakmi hna cu Medical officer nih certifcate a pek hnu lawng ah hmundang kaa dang i kal sianh an silai.
Myanmar ram buai ruangah Champhai lei in Mizoram ah a lutmi an tam ruangah A cunglei zulhphung hna khi Champhai District biacaihzung bawi Maria CT Zuali nih fehternak a tuahmi an si tiah Mizoram Daily News paper nganbik Vanglaini nih an langhter.