Mipi Pawl An Umnak Inn Kangh Dih In A Rak Chuak Mi SAC Ralkap Motor Run Cu PDF- Tamu Nih An Doh Hna.
======================================================
Kalay Khua in Tamu Lei ah a rak chuak mi SAC Ralkap raltuk nak Tank 1 le Ralkap motor run 4 cu YanlinFan khua le Nanmonta khua khar ah PDF- Tamu nih Bom lung 2 in an doh hna tiah theih asi.
Nizan September 18 zan ah Wohtoh khua ah SAC Ralkap pawl cu an riak ii tuni September 19 zinglei Tamu lei an kai.Yanlinfan khua ah Inn 7 cu zinglei sml 9 hrawng ah mei an duah tiah theih asi.Inn a kangh dih hnu ah Tamu lei an rak chuak nak lam ah PDF-Tamu nih zinglei sml 10 hrawng ah a tu ban tuk in bom in an doh hna hi a si.
SAC Ralkap motor a hrawk mi le SAC Ralkap a thi mi zat cu fiang in theih asi rih lo.Yanlinfan khua ah Tamu in Mile 15 a hlat.
A luan cia zong ah SAC Ralkap pawl nih Yanlinfan khua ii inn pawl cu mei an duah.Khuami pawl zong an thah hna.Cu ruang ah khuami pawl nih SAC Ralkap pawl an rak phan hlan ah himnak hmun ah an zaam cia tiah theih a si.
