US ram California ramthen ah a um mi tleicia Micheal Jackson inn, Neverland Ranch ti mi innpi cu a thih hnu kum 10 hnu ah man deng ngai in an zuar cang ti a si.
Hi inn ropui hi Micheal Jackson a rak nun lio ah hngakchia pakhat sualpinak a rak tuah nak inn a si tiah mi nih hngalh mi inn a si.. Cu thil a rak ton hnu in Micheal Jackson nih innngeitu sinak in a hlawt mi inn a rak si.
Hi inn a caw tu hi Micheal Jackson a sahlawh mirum Ron Burkle ti mi nih a cawk tiah theih a si. Hi innpi hi a kauh 100 hectre a si, i a hlan ah cun nuai 100 inn an rak zuar bal nain a rak man lo. A tu ahcun nuai 22 in an zuar cang.
Hi innpi hi 2015 kum lio ahkhan cun nuai 100 in an rak hauh. Asinain 2017 kum ahkhan cun nuai 67 ah a rak tla ti a si.
2009 kum ah sii luan lak hman nak in a rak thi mi Micheal Jackson nih hi innpi hi 1988 kum ahkhan nuai 19 hrawng in a rak cawk i a si. Phaisa a harsat ruang ah 2008 ahkhan a rak pawn i Colony Capital LCC nih an rak ngeih.
Micheal Jackson nih hi innpi ahhin hngakchia pawl hlasak piaknak inn ah a rak hman i, 2005 kum ahkhan hngakchia pakhat a rak sual pi ti ruang ah hi inn hi a rak hlawt mi a si. A rak pawn lio ah hi inn hi zeitik hmanh ah ka ra tilai lo tiah a rak chim ti a si.
Source: Asiaone
