Mindat peng Womtu (၀မ္မသူးရွာ) khua sizung cu April 25 zaan ah SAC ralhraang nih pound 500 a rit mi bomb a thlak hnawh hna caah tualchungmi 4 nunnak aliam i 15 nih hliam an tuar.
A Nunnak A liam mi hna hi dam lo ruang ah sizung a um mi le dam lo um pi tu hna an si i an zapi hin kum 20 le 30 karlak mino pa lawngte an si hna.
April 25 zan slm 8:00 tluk ah SAC ralhraang raltuknak vanlawng nih bomb lung 6 nak tlawmlo a rak thlak tiah theih a si.
“A thi mi hna hi a dam i sizung a it mi le a um pi tu hna an si hna.sizungpi cu a kaang in ai thek viar.Vanlawng in bomb a rak thlak than lai kan phaang ngai.hmun dang zong ah bomb a thlak mi a um nain thi le hliam kong kan thei rih lo” tiah khuami pakhat nih a chim.
A luancia April 2 zongah khan Mindat peng Aungchaing khuate ah SAC nih vanlawng in bomb a thlak caah tualchungmi 5 hliam an rak tuar.
