Chin ramkulh,Mindat khuapi ah nihin April 11,zanlei slm 2:00 tluk ah zapi inn 20 leng a kaang tiah theih a si.
“kanghuh nak a chuah nak hi Mindat khualuh ka (အရှေ့ရင်ပြင်) sang ah a si i mei phalh tu ding an um lo caah tam ngai a kaang. a kaang mi inn hna hi ral a zaam mi inn pawl an si hna I an um lo nak a sau cang.ho nih dek a khangh hnga ti kan thei lo” tiah khuami pakhat nih Zalen ah a chim.
A tu bantuk inn a kangh nak pawngkam ah hin SAC check gate a um i a pawngkam zong hi SAC nih bomb an tarh nak a si.inn a kaang mi hi a zapi ah in 21 a si tiah theih a si.
“inn a kanghnak pawng ah hin SAC gate aum i dothlennak ralkap nih an rak kah lengmang hna caah a pawngkam ummi zapi cu an zaam hna.kahdoh an rak ton caan poah ah zapi tlaih in an um tawn,cu ka inn pawl cu pakhat le khat an i naih tuk caah ai tlai viar ko” tiah cuka sang a um mi pakhat nih a chim ve.
Nihin mei a kaang mi cu zanlei slm 6:00 tluk ah khan an phalh khawh tiah theih a si. A luancia April 1 zong ah khan Mindat khua Bawa-tit sang ah kanghuh nak a rak chuak i zapi inn 8 a rak ciam cang.
