Australia ram Victoria ramkulh Melbourne khualipi ah a ralaimi 2020 November (8) thimnak cu a hlankan meefung peknak bantuk in thlak khawh a si ve cang lai. Hi mee thlaknak hi October 12-13 ah tuah a si lai tiah theih a si. Zing suimilam 10:00 Am- Zaan suimilam 7 tiang, nihnih chung mee pek khawh a si lai.
Chunlai ahhin suimilam 12:00- 1:00 Pm tiang cu chuncaw ei caan a si lai. Mee pek khawhnak hmun hi 52 Queen Ave, Springvale VIC 3171 ah a si lai. Cambodia Community Center leng in mee a rak petu hna nih 5 KM leng umkalnak (5 kilometers Restriction pass) felfai tein zohcia a hau telai.
Hi meethlaknak kong he pehtlai in pehtlaih khawhnak hna cu;
Ko Kyaw Kyaw Soe ( 043 1420 631)
Ko Myo Aye ( 049 1338 883 )
ko Zeya Oo (046 6657 524)
Ma Hnin Hmone – (0467453318)
Ko Sawwin Maung (044 9749 926)
an si lai. Mee pek tikah COVID-19 rai runvennak phunglam tete zulh ding hna cu thanh than an si telai. Cu hlan ahhin Melbourne ah a dang tein mee pek khawhnak a rak um bal lo i, Canberra ah va kal in mee pek a si tawn. Tukum ahcun Australia ramchung ah Queensland le Brisbane zong a dang tein meethlak khawhnak pek an si cang.
