Mandalay ramthen,Madaya peng,Ingin Myaing i SAC ralhraang vanlei ralvennak sakhaan telhin sakhaan 8 cu Mandalay-PDF nih an laak i hriam tampi laak a si pin ah SAC ralhraang ruak le a nungin tlaih mi he an zapi ah minung 64 an si tiah MDY-PDF nih nihin July 2 ah thawng an thanh.
1027 operation (Part – 2) chungah Madalay PDF cu biatak tein kan i teltum i a tu ah Nawnghkio, Mogok,Kyaukme le Madaya i ralhmun hna zong ah raltuk cuahmah a si tiah an langhter.
“Atu tan kan laak mi ah hin Madaya peng um 1014 van ral ven nak ingin myaing sakhaan, Sedaw sakhaan, Paan Ta le sakhaan, Ye Su tlang sakhaan,Nay Kyaw tlang sakhaan,Shwe Pahtoo sakhaan, Kyauk caloh sakhaan le MayNi tlang sakhaan hna an si.Madaya peng chung operation ah hin SAC minung 64 tlaih an si i SAC chungkhar minung 117 zong tlaih chih an si.hriamnam 125 zong laak a si.” tiah an chanthanh ah an langhter.
Hi kahdohnak ah hn Mandlay PDF lei in Madaya Myo Hman phu zong ral an tu ve tiah MDY-PDF nh an langhter chih.
