Matupi khua chungah Covid Raikham sii hramhram in an chunh hna
2022 April 11
Chinram Matupi khua chung lamruk tonnak Sanbawng lam tonnak le No.2 sianginn kam hmunhma ah, SAC lei le ngandamnak rianṭuantu pawl nih aa chawk mi hna cu NRC.No le covid khamnak sii chuh cia cohlannak catlap um le um lo hi nifatin an check tiah kan theih.
Cu catlap lehhmah a um lo ahcun an checknak hna hmun ah hramhram in an chuh ter hna i, nau hnukdinh lio nu pawl le kum khua upa cang mi zong an hruai hna i an chunh hna. A luan cia zarh zong ah rai khamnak sii aa chun cang mi zong a voi thumnak i chun ṭhan ding in an au caah aa va chun mi zong an um tiah khuami pakhat sin in kan theih.
Matupi khua chungah SAC he rian ṭuanṭi lak i rian sang bik a tlaitu hi minung 30000 hrawng rai kham sii an i chunh lawng ah a rian kai ter i rian hmun ṭhial kam ternak nawl pek a si lai caah hramhram in a chunhter mi hna a si tiah thawngpang a leng.
#The_Matupi_Times
