Mandalay khuami Kanna Lane, Yadanabon tilawng bual ah duhlonak a langhtertu mipi hna cu nihin February 20 ah voili khengte palik le ralkap nih an fuh hna i, a tlawm bik minung 2 an thi cang tiah theih a si.
Mandalay khuapi Kannalane, Yadanabon tilawng bual ah duhlonak a langhtertu mipi hna cu ralkap le palik nih an fuh hna i, an kah hna ruang ah a tlawmbik minung pahnih an thi cang tiah theih a si.
Hi a thi mi lak ah pakhat cu a paw ah vawr lak in an kah i, pakhat cu a luthluak sat lak in an kah tiah htieh asi. Hi buainak ahhin minung 36 cu hliam an pu tiah hartuar bawmtu phu nih an thanh.
Nihin chun chunlai in an ai thawk mi hi buainak hi Mandalay-Bamaw karlak tilawng umkalnak ah riantuantu hna cu CDM ah an i tel ruang ah palik le ralkap nih thazaang hmang in tilawng kalter ding ah an fial hramhram hna i, mipi lei nih an bawmh hna ruang ah hi buainak hi ai thawk tiah theih a si.
Mipi lei nih CDM a tuahtu tilawng riantuantu hna cu an kilven hna ruang ah palik, ralkap le mipi hmaitonh in an buai i, a donghnak ah meithal in an kah hna hi a si tiah theih a si. Ralkap nih meithal an hman mi hi Sniper a si i, kuanfang taktak in an kah hna hi a si. Mithi le hliam hma a pu mi zong chanhchuah siang loin sniper in an bawh hna tiah pawngkam mithmu tu hna nih an chim.
Source: 7Day News
