Kuala Lumpur (CBN News) : Malaysia MCO cu state kip ah February 19 in March 4 tiang sauh than a silai, a sinain hi caan chung ah MCO phung zulh bu in zalawng tein mipi tlawnlen khawh a silai tiah Minister Datuk Seri Ismail Sabri Yaakob nih nizan press conference ngeihnak ah a chim.
Minister nih a chimchap ning ah MCO caan sauh chung ah mipi a bu in um khawh a silai, cu lak ah, thit umhnak puai, thlacam i pumh, meeting kai etc… sianh a silai i a sinain inn pakhat nih minung a tlum khawh tawk 50% in i pumh khawh a silai tiah a chim.
Khualtlawn, i chawhvahnak ah motor siseh Bus siseh a chungi a tlum khawh tawk minung i cit khawh a silai, bianabia ah, Car ah minung 4 seat a si ah cun minung 4 cit khawh a silai, 6 seat a siah cun minung 6 cit khawh a silai.
Rawldawr (restaurent) ah cabuai pa 1 minung 4 thutkhawhnak ah minung 3 thut khawh a silai i Chinese rawldawr ngan pawl minung 10 thutkhawhnak cabuai 1 ah minung 8 thutkhawh a silai tiah a chimchap.
CBN News
