CBN News, 6 May 2021 (Kuala Lumpur) : Malaysia, Selangor MCO cu nihin May 6 in thawk than a si, hi MCO chung ah Selangor chung in District 6 hna cu rawldawr chung ah lut le thut khap a si.
Rawldawr chung i luh le thut khapnak district 6 hna cu ; Hulu Langat, Klang, Sepang, Petaling, Gombak le Kuala Langat hna an si tiah Senior Minister (Defence) Datuk Ismail Sabri Yaakob tiah a chim.
“a sinain, hi district 6 chung restaurant hna cu i on sianh an si i eidin cawk a duhmi hna cu a fun i fun (bungus) piak ding a silai” tiah a chimchap.
Kuala lumpur ah cun a hlan bantuk in restaurant ah luhchuah sianh an si, rian zong zalawng tein tuan khawh a si rih tih Malay Mail nih thanhcaa an chuah.
CBN News
