CBN News, 13 Jan 2021 : Malaysia Siangpahrang, King Al Sultan Abdullah nih Malaysia ram Virus a karhtuk ruang i ramchung ah state emergency, Lockdown a thanh mi cu zarh 2 chung zoh chung i 01 Aug 2021 tiang pehzulh khawh a sinak King Al Sultan Abdullah nih a chim.
Malaysia Prime Minister Muhyiddin Yassin nih King Abdullah ruahnak a cheuh bang in Malaysia ah 13 Jan 2021 in 26 Jan 2021 tiang Lockdown thanh a si i hi chung ah virus a karhning zoh in 01 Aug 2021 tiang Lockdown pehzulh khawh a sinak King Abdullah nih a chim.
Lockdown chung ah hin Prime Minister le a cabinet hna cu nawlngeihnak sangbik pek an si i Parliament meeting ngeih haulo in Prime minister nih a duhning in upadi a ser khawh pin ah Parliament meeting ngeih ding a ngol ter khawh.
Hi ruang ah Malaysia Lockdown thanhmi cu party dang hna nih cozah dirhmun a feh tilo ruangah PM Muhyiddin cu nawlngeihnak a ngeihnak caan sauter duh ruangah Lockdown thanh ah an puh.
Lockdown chung ah PM Muhyiddin nih parliament a dinhter khawh ruangah a cozah dirhmun dongh khawhnak ding party dang nih an dohnak chung in caan tha aa ser tiah PM Muhyiddin dohtu Parliament member hna nih media sin ah an chim.
CBN News
