Malaysia cozah nih ram dang lei bawmnak tangka in Myanmar refugee pawl cu rian sining kong cawnnak a pek hna

Malaysia cozah nih ram dang lei bawmnak tangka in Myanmar refugee pawl cu rian sining kong cawnnak a pek hna

Malaysia cozah nih Myanmar refugee pawl pek ding mi rian sining kong cawnnak ah a dih ding mi tangkaa cu ramdang nih bawmhnak an pek mi hna fund cu hman a si tiah Foreign Minister Saifuddin Abdullah nih a chim.

Malaysia ram chung i Myanmar refugee pawl cu rian sining kong cawnnak pek ding ah cozah nih mipi fund pawl cu hman a si lai lo tiah a chim.

Myanmar refugee pawl nih a hreh mi thiamnak an ngeih lo ruang ah Malaysia cozah nih cu pawl cu rian tuannak field ah kan khanh kho rih hna lo tiah Saifuddin nih a chim.

“A tu hi ramdang lei rian tuantu a chan bau lio a si.Rawl dawr, factory pawl le construction hmun pawl ah rian tuantu an chan bau nain Myanmar refugee pawl nih basic thiamnak an ngeih lo ruang ah rian ngeitu pawl nih an mah pawl cu an au duh hna lo” tiah a chim.

“Rian tuan a duh mi refugee caah rian lei kong thiamnak program timhlamh a si nain mipi fund cu hman a si lai lo.Fund zei tin dah kan ngah khawh lai mi ti kan tuak lio a si. Foreign Minister dir hmun in ramdang pawl, international bawmchantu pawl hna sinin fund hmuh khawhnak ding ah bawm ka hal hna” tiah a chim.

2022 mino ni ceremony pakhat an tuahnak press conference pakhat ah Saifuddin nih a tu ban tuk in a chim hi a si.

Qatar ram hi a hlu tu ram pakhat a si i 50 million dollar a rak hlut i 6 million dollar cu refugee pawl i ngandamnak kong pawl caah hman a si cang tiah a chim.(Crd.Ayeyarwaddy Times)