Malaysia ram,Kuala Lumpur ah rian a ttuang cuahmah mi Chin mino pakhat cu nizan October 3 ah khan nam sawh a tong i a nunnak a liam.
A nunnak a liam mi hi Chin ramkulh,Tonzang khuami Salai Tang Nang Suan Sum kum (28) a si i October 3,zinglei slm 3:00AM tluk ah a rian ttuan nak in a lawi nak lampi ah nam in sawh a ton hi a si i a phaisa bawm le a phone zong a tlau chih.
“ A ho nih an thah timi fiang in kan theih ve lo.nam sawh nak in a thi mi cu a si ko” tiah Malaysia khuasa ve mi Chin mi nih an chim.
Tang Nang Suan Sum thih nak kong he pehtlai in Malaysia ah khua a sa mi Chin mi chung in kawlram dothlennak a tuah cuahmah mi phu hna chung ah tha pek mi phu i khah lo ruang ah a tu bantuk in thah a ton hi a si tiah Facebook cahmai cheukhat hna ah an taar.
Kan hnu te zong ah khan ZRA Supporter pa pakhat nih PDF –Zoland le a dang dang cu a vawlpamh hna i a sawi sel hna ruang ah vuak a rak tong bal.
