Malaysia ram Kuala lumpur,Puchong ah Chin mi mah le mah kar ah namte in i sawh nak a chuah caah pakhat a nunnak a liam tiah kan theih.
A Luancia April 22,zaan slm 10 tluk ah khan motor tawlnak dawr ah rian a tuanti mi Chin mi mino pahnih kar ah bia al in sikvuak nak a chuah hi a si i pakhat nih namte a hman caah lainawn nak tiang a chuah hi a si.
“Bia i al nak in namte sawh nak a chuah hi a si,a nunnak aliam mi hi namte hma tampi he a nunnak a liam.sizung ah tlikpi a si nain an chanh manh ti lo.an case cu an boss pa nih a tawlrel piak hna” tiah Malaysia Cho miphun bu in rian ngeitu pakhat nih a chim.
Namte sawh nak in a nunnak aliam mi hi Chin ramkulh Mindat peng mi kum 30 tluk mi a si i a sawh tu pa hi Kalay peng khuasa Chin mi a si .Namte sawh tu pa cu a tu a zam hi tlaih khawh a si rih lo.
Malaysia ah hin a luancia April 15 zong ah khan Chinpa pakhat nih kum 7 tluk ngakchia pakhat a ruang um lo in a rak thah cang.
Hmantlak langhter mi hi a nunnak a liam mi cu a si.
