Lubya Ram Nawl Ngeitu Gadhafi Fapa Saif al- Islam President Ai Cuh Lai
Libya ram nawlngeitu hlun Moammar Gadhafi i a fapa Saif al- Islam al Gadhafi (kum 49) cu December thla ah tuah dingmi President thimnak ah i zuamve ding in nizaan ( Nov 15) ah Election zung ah ca a chiah tiah theih asi.
A pa nawlngeihnak an chuhhnu in kum 10 chung mipi hmaika in a tlaumi Saif al – Islam cu a buaibai tukmi an ram hruaitu President i cuh ding ah Libya chaklei Sebba khuapi Election Centre ah min ai pek lio video cu Election Commission nih a video in Social media ah an tar.
Libya ram President thimnak ah Libya Eastern in Tathmugyi Khalifa Haftar, Chief Minister Abdulhamid al- Dbeibah le Hluttaw Chairman Aguila Saleh he an i zuam lai i hi hna pawl nak in Saif al-Islam hi vawleicung ramkip he pehtlaihnak ttha deuh a ngeimi asi.
2011 Libya buainak ah NATO nih nawlngeitu Gadahfi a dohtu mipi an dirpi i Gadahfi chungkhar an sungh hnu in Saif al- Islam cu mipi hmaika in kum saupi a tlau.
Saif President ai cuh dingmi cu Libya ram state cheukhat nih an cohlang lo.
Ref: VOA
