CNF Vice Chairman 2 a ttuan cuahmah mi Dr. Lian Hmung Sakhong nih a pumpak facebook in Chin ramkhel party campaign a kal mi hna sinah zaangfah nawlnak ca a ttial.
Dr. Lian Hmung Sakhong nih nawlnak ca a ttial mi cu biatung panga in a tthen hna i a tulio Ramkhel campaign tuahnak le mipi lunglemnak ca ah tiah a mah pumpak siseh, CNF upa hna si hna seh kan hman piak hlah u tiah a tial.
- Kan ram le kan miphun caah rian kan ttuannak ah, keimah pumpak in si seh, CNF min in si seh, tha nan kan pek, nan kan bawmh, thla nan kan cam piak i, kaa lawm tuk hringhran. Pathian nih thluachuah in pe cio ko hna seh.
- Kan mah cu, kan miphun zalawnnak le kan ram luatnak cah Democracy, Federal le Self-determination a au pi mi kan si. Hi kan au pi mi hi, kanmah Chin miphun long si lo in, Kawlram chung ah a um mi miphun vialte le mipi tam deuh nih an duh cio mi asi. Political party tam deuh zong nih an duh i an au pi cio mi asi ko.
- Kanmah CNF cu miphun le ram cah rian attuan mi aho poh: pumpak in siseh, party zong in siseh ram le miphun cah rian kan ttuan tti lai ti lai tiah ca kan chuah cang. Asi nan aho party hmanh election ah kan ttanh hlei lai lo, neutral in kan um lai tiah statement kan chuah mi nan rak hmuh cio ko lai.
- CNF nih ca kan chuah mi statement chung ah khan CNF upa nih hlan lio te in nihin ni tiang kan chim mi bia, azapi si lo in atanbul long lak in, nanmah duhnak te long nan kan chuah piak lai lo, ti zong in kan nin nawl cang hna.
- Cu cah, keimah ka chim mi bia si seh, CNF upa dang an chim mi bia si seh, abultan long lak in, political campaign cah nan kan hman piak nak hnga lo kan nawl hna.
tiah Dr. Lian Hmung Sakhong nih a mah pumpak facebook ah a ttial.
A tulio ramchung le Chin mipi sin ah CNF upa hna bia lak in Political party campaigners hna nih mark laknak ca ah tiah an bia bultan lak in an vah pi ti mi thawng a chuah ruan gah CNF nih September 7 ahkhan thanhca an rak chuah cang.
Asinain, CNF nih 2015 kum thimnak lai ah a tu bantukin thimnak lai upa hna bia le CNF cathanh siseh, CNF he ai pehtlai in thimnak lai ah political party mark laknak ca ah rak kham a rak um lo.
Source: Lian Sakhong
