Magway le Chin ramri Kanpetlet peng chung ah a ummi Kyindwe khuapi cu AA bawmh nak in Chin brotherhood nih an laak cang tiah thawng kan theih.
2023 December thla in kahdoh hram rak thok cang mi Kyindwe khuapi cu thla 4 tluk a rauh hnu nizan April 29 ah an laak khawh hi a si.
“Khuapi i a biapit nak hmun pawl kan laak viar cang” tiah PDF pakhat nih People’s spring ah a chim.
SAC nih Kyindwe khuapi an sungh lo nak dingah vanlei in biatak tein kahdohnak a tuah nain thla tampi chung phih khar in kahdohnak an tuah caah an laak khawh hi a si.kahdohnak chung ah SAC lei a nungin an tlaih mi cheukhat an um i vanlei in bawm tu ah an rak thlah mi zong an fim hlawm khawh hna.
Kyindwe khuapi laak kahdohnak hi CDF pawl le Yaw PDF nih an rak thok hmasa i cu hnu ah AA an sawm hna i AA nih an laak pi mi hna a si.
Kyindwe khua cu CDF phu fonh le PDF hna nih a luancia 2023 December khan kah hram an rak thok nain an rak laa kho lo i hnu an kir than.2024 March 7 thok khan Chin brotherhood aa ti mi hna nih kyindwe khua laak kahdohnak kan kal pi tiah an rak thanh ve.
