Chin ramkulh, Kanpetlet peng Kyindwe khuapi cu AA bawmh nak in Chin brotherhood hna nih a luancia March 7 kah tuk hram an rak thok cang i kaphnih kar kahdohnak ruang ah khuapi cu a zapi ti awk in a rawk viar cang tiah kan theih.
“kahdohnak hi pehtlai in a chuak peng ko,kahdohnak a fah deuh poah si le SAC lei nih Vanlawng in bomb a rak thlak,kaphnih hna zong nih hriampi an hman veve caah khuapi chung in zapi inn cu a zapi ngawt in a rawk cang” tiah khuami pakhat nih a chim.
Kyindwe khuapi ah hin khuami a ho hmanh an um ti lo i mah le siarem nak cio le ramtang hna ah an zam hna.ral an zaam nak hi thla 4 tluk a si cang caah eidin zong an har ngai leng ah an herh mi sii-ai lei hna an chan bau ngai tiah kan theih.
“ ralzaam bawmhnak hi a caan ah cun a um tawn ko,nain a tlam cu a tling kho lo i harnak tete an tong pah ko” tiah pastor pakhat nih a chim.
AA tanpi nak in Chin brotherhood nih Kyindwe khuapi cu kan laak khawh tiang kan tuk lai caah bawmhnak pe an herh kong CDF Kanpetlet in rianngeitu nih a chim.
