Kyaukhtu Palik Sakhaan In SAC Ralkap 2 Cu An Kah That Hna,Myinnmu Le Kani Ah Pyu Saw Htee le SAC ralkap 3 An Thi.
=====================================================
Kyaukhtu sakhaan in cycle in Kyaukhtu peng,Gone Bhone sang rumven ding in a kal mi SAC ralkap pakhat le palik pakhat cu tuni September 14 zing sml 7:30 ah hriamhme in an kah hna i an thi tiah Kyaukhtu PDF nih cathanh an chuah.
Cu dohnak cu Kyaukhtu-PDF (YRPA) nih lam ah rak bawh in an doh hna i Kyaukhtu-PDF cu him tein hnu an kir kho tiah theih a si. Cun Sagaing ramthen,Myinnmu peng le Mandalay ramthen,Nganzun khua kar ah a um mi Yelaytaung khua ah sakhaan sak in a um mi SAC kuttang Pyu Saw Htee cu Nway Oo Takone le tantiphu nih an doh hna i Pyu Saw Htee lei in 2 an thi i 1 hliam a hmu tiah theih a si.
Cu dohnak cu Nway Oo Takone PDF,Leopard MMU,Zamani Revolution Force(MMU) Myaung,Nganzun Fire Dragon-PDF phu fonh nih an doh hna tiah theih a si. Cun leng ah Sagaing ramthen,Kani lei in a rak ra mi SAC ralkap tilawng 3 cu PDF tantiphu nih an doh hna i SAC ralkap 1 a thi,pakhat hlaim a hmu tiah MPDF nih cathanh a chuah.(Crd.Khit Thit Media)
